Paytaxtda yol çökdü - FOTO

Paytaxtın Binəqədi rayonunda yolda çökmə olub.

Xeberal.com unikal.az-a istinadən xəbər verir ki, hadisə ötən gün Biləcəri qəsəbəsi ərazisində qeydə alınıb.

Yolun çökməsi nəticəsində ağır texnika çökən yerə düşüb.

Ukraynada 6 azərbaycanlı həlak oldu

Ukrayna ərazisində davam edən hərbi əməliyyatlar zamanı daha 6 azərbaycanlı həlak olub.

Xeberal.com modern.az-a istinadən xəbər verir ki, son 10 gün ərzində döyüşlərdə daha 6 həmyerlimiz həyatını itirib.

Həlak olan şəxslərin siyahısını təqdim edirik:

- Məmmədov Roman Musa oğlu – 07.09.1986-cı il təvəllüdlü, Novosibirsk vilayətinin Kolıvan kəndində yaşayıb.

- Abbasov Namiq Məhərrəm oğlu – 23.12.1969-cu il təvəllüdlü, Arxangelsk vilayətinin Koryajma şəhərində yaşayıb.

- Qanbarlı Vüsal Allahverdi oğlu – 21.02.1993-cü il təvəllüdlü, Yekaterinburq şəhərində yaşayıb.

- Qurbanov Tofiq Oktay oğlu – 09.05.1995-ci il təvəllüdlü.

- Manafov İlkin İntiqam oğlu – 01.10.1989-cu il təvəllüdlü, Altay diyarının Xlopunovo kəndində yaşayıb.

- Rüstəmov Xanəhməd Qəhrəman oğlu – 20.01.1993-cü il təvəllüdlü, Yaroslavl vilayətinin Rostov şəhərində yaşayıb.

Sabiq baş katib vəfat etdi - FOTO

Azərbaycan Kikboksinq Federasiyasının sabiq baş katibi Rüstəm Rüstəmov vəfat edib.

Xeberal.com xəbər verir ki, bu barədə federasiyanın sosial şəbəkə hesabında məlumat paylaşılıb.

Bakıda mağazada yarım milyonluq yeyinti - Menecer həbs edildi

Bakıda “Exclusive” mağazasının meneceri yeyinti ittihamı ilə həbs edilib.

Xeberal.com Qafqazinfo-ya istinadən xəbər verir ki, Fərid Məmmədov əsasən geyim məhsulları satılan mağazada əvvəlcə satıcı, daha sonra menecer işləyib.

Müəyyən edilib ki, o, işlədiyi müddətdə satılan mallardan əldə olunan ödənişlərin bir hissəsini öz bank kartına yönləndirib. Bu üsulla 500 min manatdan çox pul mənimsəyib.

Mağaza sahibinin şikayəti əsasında F.Məmmədov həbs edilib. Prokurorluq tərəfindən ona Cinayət Məcəlləsinin 179.4-cü (mənimsəmə-xüsusilə külli miqdarda törədildikdə) maddəsi ilə yekun ittiham verilib.

Məhkəmədə təqsiri sübuta yetirilsə və dəymiş ziyan ödənilməsə, Fəridi 14 ilə kimi həbs cəzası gözləyir.

Polkovnik-leytenant vəfat etdi - FOTO

Daxili Qoşunların keçmiş zabiti, Birinci Qarabağ müharibəsinin veteranı, ehtiyatda olan polkovnik-leytenant Əkbər Hüsiyev vəfat edib.

Xeberal.com yenisabah.az-a istinadən xəbər verir ki, bu barədə onun yaxınları məlumat veriblər.

Hərbçi uzun sürən xəstəlikdən sonra 66 yaşında dünyasını dəyişib.

Qeyd edək ki, Əkbər Hüsiyev Birinci Qarabağ müharibəsi zamanı "Qaragöl" batalyonunun komandiri olub. Onun batalyonu Ağdam, Füzuli və Zəngilanın müdafiəsi uğrunda gedən döyüşlərdə böyük şücaət göstərib. Özü isə Ağdam istiqamətində ağır yaralanıb.

Ə.Hüsiyev sonrakı illərdə Daxili Qoşunların Baş idarəsi və hərbi hissələrində müxtəlif vəzifələrdə çalışıb.

Paytaxtda azyaşlı eyvandan yıxıldı - FOTO

Bakıda azyaşlı eyvandan yıxılıb.

Xeberal.com xəbər verir ki, hadisə Nizami rayonu, Şirin Mirzəyev küçəsi 81 ünvanında qeydə alınıb.

Məlumata görə, azyaşlı yaşadığı binanın 3-cü mərtəbəsində yerləşən mənzilin eyvanından yıxılıb. Hadisə yerinə dərhal təcili tibbi yardım briqadası cəlb olunub.

İlkin məlumata əsasən, azyaşlı müxtəlif dərəcəli xəsarətlər alıb və ona tibbi yardım göstərilir.

Azərbaycana narkotik keçirilməsinin qarşısı alındı

Külli miqdarda narkotik vasitənin ölkə ərazisinə keçirilməsinin qarşısı alınıb.

Xeberal.com xəbər verir ki, bu barədə Dövlət Sərhəd Xidmətinin Mətbuat Mərkəzi məlumat yayıb.

Dövlət Sərhəd Xidmətinin Sərhəd Qoşunları Komandanlığının “Horadiz” sərhəd dəstəsinin xidməti ərazisində keçirilmiş sərhəd axtarışı və əməliyyat tədbirləri nəticəsində ümumi çəkisi 11 kiloqram 985 qram narkotik vasitə (7 kq 885 qram heroin, 4 kq 100 qram metanfetamin) və 20 ədəd psixotrop tərkibli Metadon M-40 həbinin İran İslam Respublikasından Azərbaycan Respublikası ərazisinə keçirilməsinin qarşısı alınıb.

Fakt üzrə əməliyyat-istintaq tədbirləri davam etdirilir.

1-ci kurs tələbəsi vəfat etdi

Azərbaycan Texniki Universitetinin (AzTU) tələbəsi vəfat edib.

Xeberal.com xəbər verir ki, bu barədə universitet məlumat yayıb.

Qeyd olunub ki, Azərbaycan Texniki Universitetinin (AzTU) Nəqliyyat və logistika fakültəsinin birinci kurs tələbəsi Elnur İslamlı vəfat edib.

Allah rəhmət eləsin!

Sabiq icra başçısı vəfat etdi - FOTO

Bakı şəhəri Nərimanov rayonu İcra hakimiyyətinin başçısı vəzifəsində çalışmış Zülfüqar Kazımov vəfat edib.

Xeberal.com Qafqazinfo-ya istinadən xəbər verir ki, bu barədə sosial şəbəkələrdə məlumat yayılıb.

Qeyd edək ki, Zülfüqar Kazımov 1999-2004-cü illərdə həmin vəzifədə çalışıb.

Bakı-Ələt yolunda körpünün bir hissəsi çökdü

Bakı-Ələt magistral yolunun Qobustan qəsəbəsindən keçən hissəsində körpü çöküb.

Xeberal.com xəbər verir ki, hadisə bu gün saat 16 radələrində qeydə alınıb.

Belə ki, körpünün asfalt örtüyünün çökməsi nəticəsində yolda dərin yarıq yaranıb. Həmin an ərazidən keçən yük avtomobili idarəetməni itirərək yarığa düşüb. Hadisə magistralda nəqliyyatın hərəkətini tamamilə dayandırıb. Hazırda yolda kilometrlərlə uzanan tıxac müşahidə olunur.