Pezeşkiandan hücumun araşdırılması ilə bağlı təklif

Türkiyə Prezidenti Rəcəb Tayyib Ərdoğan iranlı həmkarı Məsud Pezeşkianla telefonda danışıb.

Xeberal.com xəbər verir ki, bu barədə İranın Prezident Aparatı açıqlama yayıb. Açıqlamada deyilir ki, Pezeşkian İranın Türkiyəyə raket hücumu ilə bağlı iddiaların araşdırılması üçün birgə komissiya yaradıla biləcəyini ifadə edib. Pezeşkian həmçinin bildirib ki, İsrail və ABŞ İranla qonşu ölkələr arasında fikir ayrılığı yaratmağa çalışır. Pezeşkian, İsrail və ABŞ-yə bağlı medianın İranın Türkiyəyə raket hücumu həyata keçirdiyinə dair iddialar yaydığını ifadə edib.

Qeyd edək ki, İrandan Türkiyə istiqamətində iki ballistik raket buraxılıb və mərmilərin hər ikisi zərərsizləşdirilib.