İran ABŞ və İsraildən kompensasiya tələb edir

İranın xarici işlər naziri Abbas Əraqçi ABŞ və İsrailin İranın nüvə obyektlərinə son hücumlarını beynəlxalq hüququn pozulması adlandırıb.

Xeberal.com bu barədə Abbas Əraqçi BMT-nin baş katibi Antonio Quterreşə yazdığı məktubda bildirib.

Nazir BMT-ni məsələ ilə bağlı qəti mövqe tutmağa çağıraraq ABŞ və İsraildən İslam Respublikasının nüvə obyektlərinə dəyən ziyanı kompensasiya etməyi tələb edib.

"İranın Nətənzdəki və Buşəhr elektrik stansiyasının yaxınlığındakı dinc nüvə obyektlərinə hücumlar BMT Nizamnaməsinin, Beynəlxalq Atom Enerjisi Agentliyinin Nizamnaməsinin və beynəlxalq hüququn pozulmasıdır", - deyə o qeyd edib. O əlavə edib ki, nüvə obyektlərinə hücumlar radioaktiv materialların geniş miqyaslı yayılmasına və insanlar və ətraf mühit üçün son dərəcə təhlükəli nəticələrə səbəb ola bilər.