"Real"ın istədiyi Kenan qərarını verdi

"Yuventus" türk ulduz Kenan Yıldızla müqavilənin uzadılması danışıqlarını yekunlaşdırmaq üzrədir.

Xeberal.com xəbər verir ki, müqavilədə futbolçunun 2031-ci ilə qədər "Yuventus"da oynaması nəzərdə tutulub. "Corriere dello Sport"un məlumatına görə, müqavilədə həmçinin gənc oyunçunun komandadakı yeni statusunu əks etdirmək üçün əhəmiyyətli maaş artımı da olacaq. Tərəflər arasında əldə edilən razılığa əsasən Kenan Yıldız illik 6 milyon avro məvacib alacaq. Bununla da, futbolçu "Yuventus"un heyətində ikinci ən çox qazanan futbolçu olacaq.

Qeyd edək ki, "Arsenal", "Çelsi", "Bavariya" və "Real Madrid"in Kenan Yıldızın xidmətində maraqlı olduğu barədə xəbərlər dərc edilmişdi.