İctimai isyan var, tədbir yoxdur – Xırdalanda “Darvaza” müzakirələrin mərkəzində

Xırdalan ərazisində, yerli sakinlər arasında “Darvaza” kimi tanınan məkan və otel kimi fəaliyyət göstərdiyi bildirilən obyekt ətrafında narazılıqlar səngimir.

İddialara görə, sözügedən obyektlə bağlı uzun müddətdir müxtəlif şikayətlər və narahatedici məlumatlar yayılır. Sakinlər bildirir ki, ərazi yaşayış massivinə yaxın olduğundan burada baş verən iddialar onları ciddi şəkildə narahat edir.

Sosial şəbəkələrdə və yerli mühitdə yayılan məlumatlarda obyektin qeyri-qanuni və əxlaqa zidd fəaliyyət göstərdiyi iddia olunur. Hətta bəzi hallarda azyaşlılarla bağlı səsləndirilən narahatedici fikirlər də ictimaiyyətdə gərginliyi artıran əsas amillərdən biridir.

Bütün bu şikayətlər, səsləndirilən faktlar və artan ictimai narazılığa baxmayaraq, iddialara görə, obyekt fəaliyyətini davam etdirir.

Sakinlər aidiyyəti qurumlara müraciət edərək bildirirlər ki, belə halların araşdırılması və qanun çərçivəsində tədbir görülməsi vacibdir. Onlar xüsusilə yaşayış məntəqəsinə yaxın ərazilərdə bu tip iddiaların ciddi nəzarət altına alınmasını tələb edirlər.

Xeberal.com a video fakt daxil olub.Ata isyan edir ki,13 yaşlı uşağını otelə gətirib ..........

Video fakt mövzu ilə bağlı gələn səhvəmizdə diqqətə çatdırılacaq

Hazırda məsələ ilə bağlı rəsmi açıqlama gözləyirik.

Xeberal.com