Kiyevlə Moskva sülh əldə edə bilər - Hakan Fidan

Türkiyənin xarici işlər naziri Hakan Fidan hesab edir ki, Ukraynadakı münaqişə tərəfləri indi əvvəlkindən daha çox sülh razılaşmasına yaxınlaşıblar.

Xeberal.com xəbər verir ki, bunu Türkiyənin baş diplomatı "Əl-Cəzirə" telekanalına verdiyi müsahibədə bildirib.

"Düşünürəm ki, əvvəlki dövrlərlə müqayisədə indi mümkün sülh razılaşmasına həmişəkindən daha yaxınıq. O cümlədən prosesdə bütün tərəflərin - əsas Avropa ölkələri, ABŞ və müəyyən dərəcədə Rusiyanın iştirakı baxımından. Düşünürəm ki, tərəflər arasında hələ də bir və ya iki həll olunmamış məsələ üzərində iş gedir", - nazir bildirib.