Şirvan Mərkəzi Xəstəxanasında inkişaf və yeniliklər diqqət mərkəzində

Pərviz Rüstəmbəyov rəhbərlik etdiyi Şirvan Şəhər Mərkəzi Xəstəxanası son dövrlərdə həyata keçirilən uğurlu islahatlar və yenilikçi yanaşmalarla seçilməkdədir. Səhiyyə müəssisəsində tibbi xidmətlərin keyfiyyətinin yüksəldilməsi, vətəndaş məmnunluğunun artırılması və müasir standartlara uyğun xidmətlərin təşkili istiqamətində mühüm addımlar atılır.

Xəstəxanada aparılan struktur dəyişiklikləri, tibbi avadanlıqların yenilənməsi və ixtisaslı kadrların cəlb olunması nəticəsində region əhalisinə göstərilən tibbi xidmətlər daha da əlçatan və keyfiyyətli olub. Xüsusilə, təcili tibbi yardım və ixtisaslaşmış şöbələrdə operativlik və peşəkarlıq səviyyəsinin yüksəlməsi diqqət çəkir.

Direktor Pərviz Rüstəmbəyovun rəhbərliyi ilə kollektiv arasında sağlam iş mühiti formalaşdırılıb, həkim və tibb personalının peşəkar inkişafına xüsusi önəm verilir. Müxtəlif təlimlər və praktiki seminarlar vasitəsilə əməkdaşların bilik və bacarıqları daim təkmilləşdirilir.

Eyni zamanda, xəstələrlə münasibətdə şəffaflıq və etik davranış prinsiplərinin qorunması rəhbərlik tərəfindən prioritet məsələ kimi nəzarətdə saxlanılır. Bu yanaşma isə öz növbəsində vətəndaşların səhiyyə sisteminə olan etimadını artırır.

Qeyd edək ki, Şirvan Şəhər Mərkəzi Xəstəxanası regionun əsas tibb müəssisələrindən biri kimi fəaliyyət göstərərək əhalinin sağlamlığının qorunmasına və tibbi xidmətlərin inkişafına mühüm töhfə verir. Mövcud dinamika onu deməyə əsas verir ki, qarşıdakı dövrdə də bu inkişaf tempi davam edəcək.